欢迎访问Qi9电脑知识网学习电脑知识,计算机基础知识,请您记住我们的网址www.Qi9.cn!!
内容频道当前位置:Qi9电脑知识网 > 娱乐明星

戏份被抢 三哥眼红「鹫哥」吴岱融

日期:2017-08-07 08:00 来源:Qi9电脑知识网  【字体: 】   阅读:

【东方新地】小鲜肉睇得多都闷,家阵愈嗒愈有味嘅中佬至係王道!05年开始佔领不少无綫型佬角色的三哥苗侨伟今年终于棋逢敌手,在新剧《飞虎极战》遇上「鹫哥」吴岱融!边个话争风呷醋係女人专利,当中佬遇上中佬,原来仲有样嘢叫做一山不能藏二虎,拍摄现场一个乾蒸、一个煲烟,就算擦肩而过一样当透明零沟通,戏裏戏外都索到阵火药味!

图片来源:新传媒资料库、苗侨伟微博

戏份被抢 三哥眼红吴岱融

16年由新加坡回流香港,同无綫签咗六年部头约,57岁吴岱融凭《巨轮II》大反派「鹫哥」鹹鱼翻生,人气直逼「宇宙最型」、59岁苗侨伟。今年五月,邵氏兄弟同内地网站优酷合资巨製《飞虎极战》拉拢二人29年后再度同场,三哥继续做正气警司,而鹫哥就有得演亦正亦邪大反派,睇牌面、论戏份同发挥,三哥似乎被比下去。

《学警》系列历年中佬角色都係唯三哥独尊,今年重头剧《飞虎极战》加入吴岱融,两个同期出道50后型佬同场不过就完全无交流。

中佬同场 互不瞅睬

日前《飞虎极战》剧组在将军澳工业村拍摄一场车战场面,同场就有分别饰演警司的苗侨伟、反派吴岱融及吴卓羲。明明在戏内与吴岱融至係父子,但现场所见,吴卓羲同鹫哥完全零交流,反而去到边都陪住三哥。又唔怪得佢,05年至今,吴卓羲同三哥合拍五套剧,仲包揽《学警》三部曲男主角,在公在私都情同父子,「老窦」妒忌鹫哥又点会唔知?虽然两个月前剧集记招时,鹫哥已经谦虚话明并非取代三哥型佬地位:「唔好咁讲,冇话边个取代边个,大家唔同玩法!」

至于在剧内饰演吴岱融儿子的吴卓羲,实情在戏外就同三哥情同父子,喺片场亦都抦埋一边,同戏内老窦零沟通。 同组同场拍摄,三哥同吴卓羲例牌孖到实。

鹫哥戏份重 三哥无瘾

但据知现实并非如此,三哥份人出名识做,不嬲喺片场同男女老幼都倾得两嘴,所以今次拍《飞虎》同鹫哥冇交流真係好觉眼。其实以前几套《学警》都係三哥作主,今次《飞虎》搵咗鹫哥返嚟唔止分薄晒啲戏份,听讲直情有高层话到明要写多啲戏俾鹫哥。再讲正派角色来来去去都係嗰啲,摆到明鹫哥个反派角色比三哥出好多,所以三哥真係拍到有啲无瘾!

男人戏原来一样分党分派,早鹫哥十二年回流的三哥一早係无綫最型中佬,一班后辈小生吴卓羲、黄宗泽亦都一早埋咗三哥堆。 鹫哥人气急升被乐易玲点名做《飞虎》大反派,开记招时已经被指威胁型佬三哥地位。

冤家路窄 29年后再交手

原籍新加坡、原名吴槐岸,鹫哥吴岱融虽然迟过 三哥 入无綫,不过就迟来先上岸,80年代末至90年代初,一度係当家小生,29年前无綫重头金庸剧《绝代双骄》,吴岱融饰演男主角花美男花无缺,三哥就做大配角、花无缺之父江枫。而当年只得三十岁嘅三哥 沦为剧中大配角,戏份只得几集。鹫哥角色更比三哥重,但鹫哥因93年亮相亚视被雪藏再解约,所以才会29年后再有机会交手。

当年只得三十岁嘅三哥沦为剧中大配角,戏份只得几集。 浏览 东方新地网页::http://www.orientalsunday.hk


编辑:图客



热门推荐